Rreth 77 shtëpi të lagjes Myraj të fshatit Komogllavë të Ferizaj, tash e disa vite ankohen për furnizim me rrymë me tension të ulët.
Kjo situatë i ka bërë dëm në pajisjet shtëpiake të cilat nuk po u funksionojnë.
“Shumë qe 5 vite e këndej më së paku. Mjetet siç e ceka më herët nuk i qon rryma me hidroforë së bashku me raketa dhe shumicës ju janë djegur” banor i lagjes Myraj në Komogllavë Kenan Emini.
“Kjo lagjja jonë Myraj kemi problem prej vitit 1960 që janë montuar shtyllat dhe trafoja edhe më asnjëherë nuk kanë ndërmarr që të kryhet siç duhet. Lavatriqet nuk punojnë, hidrofori nuk punon rryma pra me kapacitet zero”, ka thënë banori Rexhep Sahiti.
Banorët e kësaj lagjeje të Komogëllavës kanë protestuar para zyrave të KEDS në Ferizaj të cilët theksuan se në viti 2020 kane bërë një peticion, por që nuk është ndërmarrë asgjë
“Kërkesa jonë kryesore është që në këtë lagje të sigurohet një trafo e re e veçantë dhe të punohet në infrastrukturën e re elektrike”, ka thënë banori Vehbi Emini,
Me gjithë përpjekjen, KEDS nuk ka kthyer përgjigje. Ndërsa, banorët thonë se do të ndjekin të gjitha hapat e domosdoshme për realizimin e kërkesës së tyre.
