Europol gjeti 2.7 milionë euro para në dorë si pjesë e një operacioni të kryer në vendet anëtare të BE-së. Qëllimi i aksionit ishte zbulimi i kontrabandës së parave të gatshme në territorin e BE-së.
Kjo shumë ka gjasa të rritet në muajt në vijim, pasi shumë zbulime janë duke u përpunuar.
Përveç parave të gatshme, autoritetet konfiskuan edhe sende të vlefshme si ar dhe bizhuteri, duke përfshirë 18 shufra ari me vlerë më shumë se 1.7 milionë euro.
Ajo drejtohej nga doganat franceze dhe përfshinte Zyrën Evropiane Kundër Mashtrimit (OLAF). Gjatë operacionit dy-javor, autoritetet kontrolluan më shumë se 300 pasagjerë në aeroporte, porte, stacione hekurudhore dhe kufij të vendeve të BE-së dhe ekzaminuan disa dërgesa postare.
Bashkëpunimi i ngushtë me shërbimet doganore ishte vendimtar në këtë operacion, pasi ai përfaqësonte një strategji të fuqishme për të luftuar kërcënimet kriminale transnacionale dhe pastrimin e parave.
