Organizatat jo-qeveritare: Iniciativa për Progres (INPO) ka publikuar Raportin “Anulimi i Prokurimit: Raport i monitorimit të aktiviteteve të prokurimit të Qeverisë së Kosovës”. ka publikuar Raportin “Anulimi i Prokurimit: Raport i monitorimit të aktiviteteve të prokurimit të Qeverisë së Kosovës”.
Sipas këtij raporti, vlera totale e aktiviteteve të anuluara ka arritur në 13.4 milionë euro, gjatë vitit 2023, ku MASHT dhe MINT kanë shënuar anulime të projekteve madhore.
MINT ka shënuar nivelin më të lartë të dështimeve në aktivitete të anuluara me 60%, e ndjekur nga MKRS me 51.5% dhe MASHT me 50%. Megjithatë, për nga vlera financiare MASHT kryeson për nga vlera e aktiviteteve të anuluara me një shumë prej 5.5 milionë euro, pasuar nga MINT me 4 milionë euro.
Shkaqet kryesore të anulimeve përfshijnë ofertat mbivlerën e parashikuar, mospërmbushjen e kritereve nga operatorët ekonomike dhe shkeljet e procedurave ligjore.
Ndërkohë, raporti thotë se nga analiza e tenderëve të iniciuar të cilët kanë përfunduar me anulim të proceseve (gjithsej 78 aktivitete), në platformën elektronike kanë hasur vetëm 18 procesverbale të hapjes së tenderëve. Nga ana tjetër, raporti evidenton se 62% e aktiviteteve të anuluara përfshijnë publikimin e formularit B58, një kërkesë kyçe për transparencën dhe llogaridhënien në prokurimin publik e cila përcaktohet sipas nenit 21, par. 4 të Rregullores për Prokurim Publik. Sipas raportit, shkeljet më të mëdha ne këtë drejtim janë regjistruar ne MD dhe MPB, ku një numër i konsiderueshëm rastesh është karakterizuar nga mungesa e dokumentacionit të plotë.
Raporti mbi anulimet e aktiviteteve të prokurimit publik për vitin 2023 analizon aktivitetet e prokurimit publik te shpallura nga institucionet e nivelit qendror. Hulumtimi është bazuar në të dhënat e nxjerra nga platforma e-prokurimit, si dhe raportet vjetore te kontratave publike të autoriteteve kontraktuese.
