Ish-trajneri i Milanit, Fabio Capello, thotë se Interi mbetet favorit për titullin e kampionit në Itali.
Interi pas fitores ndaj Comos (2-0), është vetëm tri pikë larg liderit, Atalantës, por Capello është i bindur Zikaltërit do ta mbrojnë titullin e kampionit të fituar sezonin e kaluar.
“Ata nuk ishin të shkëlqyeshëm në fillim, por në fund suksesi do të jetë i tyre. Edhe nëse Lautaro vazhdon të mos shënojë gola, Inzaghi mbetet favorit për Scudetto”, ka thënë Capello.
Ai ka lavdëruar edhe formën e mirë që po kalon Atalanta e cila aktualisht ndodhet në krye të Serie A.
“Pas ngritjes së trofeut të Europa League, duket se ka një tjetër frymë. Suksesi të bën të ndryshosh mentalitetin”, ka theksuar Capello.
Ai ka folur edhe për Juventusin. Capello thotë se Juve ende nuk e ka bindur plotësisht.
“Në Monza më në fund arritën të fitonin, por ende nuk më kanë bindur plotësisht”, ka përfunduar Capello.
