Kreu i PDK-së Memli Krasniqi ka uruar qytetarët e besimit të krishterë për Krishtlindje. Këto urime ai i ka përcjellë nga sheshi i kryeqytetit ku tha se me bashkëpartiakët Bernard Nikaj dhe Kristina Bytyqi shënuan këtë festë duke përqafuar frymën e unitetit, dashurisë dhe shpresës për një të ardhme më të mirë.
“Për të gjithë qytetarët tanë të besimit të krishterë, ju përcjell urimet më të përzemërta për një Krishtlindje të bekuar. Uroj që shtëpitë tuaja të mbushen me gëzim, zemrat me paqe dhe ëndrrat me shpresë e besim. Teksa mblidheni me familjen dhe miqtë, le të kujtojmë vlerat që na bashkojnë si shoqëri – respektin për njëri-tjetrin, solidaritetin dhe angazhimin e përbashkët për një Kosovë më të mirë. Gëzuar Krishtlindjen të gjithë atyre që festojnë!”, ka shkruar Krasniqi në urimin e tij. /Kosovatimes/
