Manchester City nuk ka mundur të marrë më shumë së një barazim me Evertonin.
Kampionët në fuqi të Anglisë dhe Evertoni, luajtën baras 1-1, të enjten pasdite në ‘Etihad Stadium’, ndeshje kjo e zhvilluar në kuadër të elitës së futbollit anglez.
Të besuarit e Pep Guardiolës mjaft mirë e nisen lojën dhe përmes Silvës (14’), kaluan në epërsi prej 1-0.
Megjithatë, skuadra mike nuk u dorëzua dhe më anë të Ndiaye (36’), barazoi rezultatin në 1-1.
City kishte edhe disa raste të mira për gol, madje, Haaland dështoi edhe nga pika e bardhë në minutën e 53-të.
Në radhët e Evertonit për 25 minuta lojë u paraqit edhe sulmuesi shqiptar Armando Broja.
Pas këtij barazimi, City është në vendin e gjashtë me 28 pikë, kurse, Evertoni renditet e 15-ta me 17 sosh.
