Shkruan: sociologu Fadil MALOKU
Tani, pa dashur t’i bëjë avokaturë e as të keqkuptohem në relacionin absurd që u krijua naivisht në aulen e institucionit të KQZ (Komisioni Qendror Zgjedhor), me rastin e moscertifikimit të subjektit politik të serbëve lokal, sepse, e dimë që të gjithë se është parti që kontrollohet nga Serbia dhe drejtëpërdrejt nga Presidenti serb Aleksandë Vuçiq, duhet thënë se KQZ-ja ( pa vetédije) i bëri asaj një shérbim të pa nevojshëm politik. Sepse, Lista “Srpska” do mund të eliminohej nga gara zgjedhore, sikur të gjurmoheshin argumente juridike që në legjislacionin tonë janë më se të mjaftueshme, për ta shpalluar antukushtetuese e antiligjore. Por, qé shihet ashiqare që ka munguar vullneti i Prokurosë dhe Gjygjësisë…!?
Pra, KQZ-ja nuk do duhejt të ishte ai “logu e as arena” i konpromitimit eventual e nëse doni edhe eliminimit të këtij subjekti nga gara e mëtejme zgjedore të 9 shkurtit. Ku faktikisht, do duhej te ndëshkoheshin dhe sanksionoheshin si të bëmat ashtu edhe aktivitetet e saja subversive e antishtetérore. Sepse, një vend që pretendon të mbahet si demokratik, ku pushtetet janë të ndara taksativisht dhe ku duhet të përfillen procedurat ligjore, nuk mund dhe nuk duhet problemet e shfaqura në sferën e sigurisë (sikurse është rasti) të zgjidhen me fahun e politikes. Në rastin konkret, ku u cenua dukshëm siguria e vendit e madje edhe ajo e rajonit organet e sigurisë kombëtare (policia, gjygjësia, prokuroria) menjeher pas sulmit në Banjska dhe Iber Lepenc, është dashur të hulumtojnë fakte për pjesemarrjen apo mos pjesemarrjen te ketij subjekti ne keto akte terorriste. Dhe në bazë të argumenteve, të shfrytëzojnë gjitha hapësirat ligjore për ta kuptuar infiltrimin e subjektit në fjalë në këto akte, antishtetëtrore.
Tentimini frenimit të aktivitetit politik të subjektit Lista “Srpska” (jo përmes të gjeturave në dy rastet e lartëcekura, pa dyshim terorriste) përmes institucionit të KQZ-s, përveç që ishte i vonuar, ishte edhe i gabuar e madje edhe absurd e i dëmshëm si pér politikën ashtu edhe për institucionet e Kosoves. Tani, është qartësuar situata, ku PZAP-ja mori vendimin e rikthimit të këtij subjekti në garën e 9 shkurtit, por, jam shumë i bindur që vendimi i nxituat për mos certifikim nga ana e KQZ-s, do prodhoj reperkusione tjera. Vendimi, pa dyshim do ketë reflektim në pilarin zgjedhor te Lista “Srpska” në zgjedhjet e 9 shkurtit. Ngase, perceptimi negativ që u krijua për këte subjekt serb, sidomos pas agresionit të ushtruar në Banjska ishte më se evident, si në sytë e serbeve lokal ashtu edhe atyre ndérkombëtar, tashmë me vendimin e gabuar dhe të nxituat politikisht të KQZ-s, do shfrytëzohet maksimalisht për konsolidim dhe viktimizim të këtij subjekti serb. Pra, në vend që agresioni i ndodhur ku ishte evident infiltrimi i nënkryetarit Radojçiq, të “mirëmbahej” e pasurohej me elemente e argumente shtesë (në kuptimin e furnizimit të fakteve shtesë për aktivitetin antishtetëror të Lista “Srpska”), ne do kemi sërish një subjekt agresiv antishtetëror dhe një “kalë Troje” që e dirigjon dhe kontrollon drejtëpërdrejt Presidenti serb.
