Rusia mori propozime nga Franca për të vendosur një dialog për konfliktin në Ukrainë, por pa pjesëmarrjen e Kievit, tha sot ministri i Jashtëm rus Sergej Lavrov.
Ai vuri në dukje se sinjale të tilla nga Parisi bien ndesh me rregullin perëndimor se “Ukraina nuk duhet të diskutohet pa Ukrainën” dhe se Rusia nuk mund ta marrë seriozisht iniciativën franceze për shkak të një “sjelljeje të tillë të paqartë”, raporton RIA Novosti.
Lavrov tha se Rusia është e gatshme për konsultime për zgjidhjen e konfliktit në Ukrainë me administratën e presidentit të sapozgjedhur amerikan Donald Trump.
“Ne, natyrisht, dëgjojmë sinjale nga ekipi i Trump se ata janë të interesuar të vazhdojnë dialogun dhe kjo është absolutisht e arsyeshme dhe normale. “Gjithmonë, edhe kur ka marrëdhënie armiqësore mes vendeve, dialogu duhet të mbahet”, tha Lavrov.
