Ka përfunduar i gjithë operacioni i policisë në lidhje me informatën e valixhes së dyshuar në rrugën “Sali Çeku” në Ferizaj.
Rastin për RTKlive e ka konfirmuar zëdhënësi i Policisë për rajonin e Ferizajt, Kanun Veseli.
Ai ka thënë se për këtë rast është lajmëruar një qytetare që e ka harruar valixhen aty pa dashje.
“Është lajmëruar një qytetare që e ka harruar aty pa dashje. Njëkohësisht është kontrolluar valixhja dhe nuk ka pasur asgjë të dyshuar Të gjitha njësitet janë larguar nga vendi i ngjarjes dhe është liruar rruga. Ndërsa qytetarja është ftuar për intervistë në stacionin e policisë në Ferizaj”, ka thënë Veseli.
Ai bëri të ditur se për të gjitha veprimet policore është njoftuar edhe prokurori i shtetit.
Gjendet një valixhe e dyshimtë në Ferizaj, Policia në vendin e ngjarjes
Në valixhe e dyshimtë është gjetur sot në afërsi të një ndërtese të banimit në rrugën “Sali Çeku”, në Ferizaj.
Rastin për RTKlive e ka konfirmuar zëdhënësi i Policisë për rajonin e Ferizajt, Kanun Veseli.
Ai ka thënë se në vendin e ngjarjes kanë dalë ekipe të policisë, të cilët kanë bërë sigurimin e vendit.
“Me datën 26.12.2024 rreth orës 10:12 kemi pranuar një informatë se në rrugën “Sali Çeku” në afërsi të një ndërtese të banimit në Ferizaj është një valixhe e dyshimtë. Menjëherë në vendin e ngjarjes kanë dalë ekipe të policisë, të cilët fillimisht kanë bërë sigurimin e vendit të ngjarjes. Njëkohësisht janë njoftuar ekipet përkatëse të deminimit të policisë, të cilët pritet të dalin së shpejti në vendin e ngjarjes. Për informata shtesë do të njoftoheni me kohë”, ka thënë Veseli.
