Në adresë të familjarëve të të miturve të Qendrës Edukuese Korrektuese kanë shkuar kartolina të punuar nga duart e këtyre të miturve. Kjo me qëllim forcimin e lidhjeve familjare dhe mbështetjen e procesit të riintegrimit të të miturve.
Me moton “Një mesazh urimi për ty”, të miturit kanë krijuar kartolina të personalizuara me mesazhe urimi dhe dashurie për familjarët dhe më të dashurit e tyre.
“Urime viti i ri, shpresoj që vitin e ardhshëm do të jemi të lumtur. Më falni që nuk jam bërë një djalë qysh keni pasur dëshirë ju”, ka qenë një nga urimet që një i mitur i Qendrës Edukuese Korrektuese u përcolli familjarëve të tij në prag të festës së vitit të ri.
Ky aktivitet, sipas Shërbimit Korrektues është një shembull i përkushtimit të Qendrës Edukuese Korrektuese për të krijuar mjedise mbështetëse, ku të miturit mund të ndihen të përfshirë dhe të vlerësuar.
