Ministri i Financave, Hekuran Murati, ka njoftuar se janë procesuar pagat për shërbyesit publikë dhe shtesat e njëhershme prej 100 euro për skemat pensionale dhe fëmijët deri në moshën 16-vjeçare.
“Pas një pune maratonike të stafit në MFPT sot kemi procesuar transferin e pagave për shërbyesit publikë, shtesën e njëhershme prej 100 euro për të gjithë fëmijët 0-16 vjeç që marrin shtesa, si dhe shtesën e njëhershme prej 100 euro për të gjithë përfituesit e skemave pensionale, përfshirë edhe skemat e kategorive të luftës”, ka shkruar Murati në Facebook.
Sipas tij mbi 400 mijë fëmijë përfitues, rreth 300 mijë pensionmarrës përfitues, dhe mbi 83 mijë shërbyes publikë, gjithsej 140 milionë euro tä shprndara brenda një dite.
Ai sqaroi se përfituesit do të marrin mjetet në llogaritë e tyre varësisht nga banka ku janë klientë.
“Falënderoj stafin e MFPT që janë angazhuar për ta bërë të pamundurën për të ekzekutuar gjithçka brenda ditës, e gjithashtu edhe BQK-në për zgjatjen e sesionit të pagesave, ashtu që transferet të kryheshin para fundjavës.
Varësisht nga banka ku keni llogarinë, do të pranoni edhe mjetet në llogari, disa më herët e disa më vonë, por e rëndësishme që transferi tashmë është ekzekutuar”, ka shkruar tutje Murati. /Kosovatimes/
