Kandidati për Kryeministër nga radhët e PDK-së, njëherësh kryetar i Mitrovicës, Bedri Hamza, ka takuar sot përfaqësuesin e Zvicrës në Kosovë, ambasadorin Jürg Sprecher, me të cilin thotë se kanë biseduar për zhvillimet në Kosovë dhe marrëdhëniet e shkëlqyera mes dy vendeve.
Hamza, në një postim në Facebook, thotë se Kosova është e përkushtuar të ndërtojë paqe të qëndrueshme dhe të ecë përpara në rrugën e integrimeve euroatlantike.
“Në çdo fushë të jetës sociale dhe ekonomike, si në të kaluarën, ashtu edhe sot, Zvicra i ka dhënë gjithnjë përkrahje Kosovës. Kosova është e përkushtuar të ndërtojë paqe të qëndrueshme dhe të ecë përpara në rrugën e integrimeve euroatlantike”, shkruan Hamza në Facebook. /Kosovatimes/
