Ish-ministrja e Financave dhe deputetja e Lidhjes Demokratike të Kosovës, Hykmete Bajrami, ka reaguar pas deklarimeve të ministres së Ekonomisë, Artane Rizvanolli, për mungesë të energjisë elektrike.
Ajo ka shkruar në rrjetin social Facebook se situata me energjinë elektrike në Kosovë është si rezultat i qeverisjes së paaftë, me ministra praktikantë, të cilët s?kanë vizion e as plan.
“Qindra miliona euro të shpenzuara për efiçiencë të energjisë që rezultuan me rritje të konsumit të energjisë. Ky është rezultati i një qeverie të paaftë, me ministra praktikantë që s’kanë vizion as plan”, ka shkruar Bajrami në Facebook.
Ajo thootë se taksat e qytetarëve u shpenzuan pa dhënë ndonjë rezultat, faturat e tyre për energji u dyfishuan e zona të tëra kanë mbetur pa energji në këto ditë të ftohta dimri. /Kosovatimes/
