AC Milan raportohet se është i interesuar për sulmuesin e Leipzig, Benjamin Sesko.
‘Rossonerët’ që vitin 2024 po e mbyllin pa asnjë trofe, tashmë janë duke menduar për përforcime të reja në skuadër.
Sipas medieve italiane, milanistët synojnë të bindin yllin slloven Sesko.
Në fakt, Milani prej kohësh është në ndjekje të sllovenit. Sulmuesi i kombëtares sllovene mbylli sezonin e parë në Bundesliga me Leipzig, skuadër me të cilin 14 gola në kampionat, performancë e cila, sipas raportimeve më të fundit të mediave gjermane e ka çuar çmimin e 20-vjeçarit të talentuar në plot 65 milionë euro, teksa në këtë fillim sezoni ka arritur të shënojë plot 7 gola e të asistojë tre të tjerë në 18 ndeshje.
Milani sllovenin e sheh lojtar ideal për të zëvendësuar francezin Oliver Giroud, i cili gjatë verës që lamë pas, u transferuar në futbollin amerikan, MLS.
