Është shfaqur dokumentari ‘Shpëtimi’, kushtuar martirit të luftës së Kosovës, Shpejtim Thaçi (25) i cili ishte vrarë në mesin e gjashtë civilëve shqiptarë në maj të vitit 1999 në fshatin Llapnasellë.
Nënkryetari i Komunës së Graçanicës, Leutrim Ajeti tha se Shpejtimi ishte djalë bujar e punëtor.
“Ata në të vërtetë vranë Shpejtimin, por zgjuan shumë Shpejtima të cilët bashkë me intervenimin e NATO-s na e sollën lirinë që ne sot e gëzojmë, e që duhet t’ju jemi mirënjohës gjithë jetën. Ky dokumentari sontëm, është një punë e madhe dhe një përkushtim i cili do të mbetet argumenti më i fortë i dëshmisë ë gjenocidit të shtetit të Serbisë”, tha Ajeti.
Ndryshe në maj të vitit 1999, në autobus në fshatin Llapnasellë, u ndaluam e më pas u vranë 6 shqiptarë civil.
