Ukraina tha të shtunën se kishte goditur një objekt të ruajtjes dhe mirëmbajtjes së dronëve me rreze të gjatë Shahed në rajonin Oryol të Rusisë, duke shtuar se kishte “ulur ndjeshëm” aftësinë e Rusisë për të kryer sulme masive me dron kundër Ukrainës.
Shtabi kryesor i forcave të armatosura të Ukrainës njoftoi në një deklaratë në platformën e komunikimit Telegram se sulmi i së enjtes u krye nga aviacioni ushtarak ukrainas.
Moska nuk ka komentuar mbi sulmin.
Për disa muajt e fundit, Moska ka dërguar drone në Ukrainë pothuajse çdo ditë me shpresën për të dëmtuar infrastrukturën e saj dhe për të dobësuar mbrojtjen e saj ajrore deri në pikën që ata nuk mund të kapin dhe rrëzojnë raketat.
Forcat ajrore të Ukrainës thanë më herët të shtunën se kishin rrëzuar 15 nga 16 dronë rusë gjatë natës, ndërsa një tjetër u zhduk nga radarët.
