Lideri i grupit HTS dhe lideri joformal i Sirisë pas rënies së qeverisë së Bashar al-Assad, Ahmed al-Sharaa, ka bërë të ditur se zgjedhjet e para do të mbahen në këtë vend pas ndryshimit të qeverisë më së voni pas katër vitesh.
Në një intervistë për Al Arabiya, al-Sharaa tha se do të duhen të paktën tre vjet për të krijuar një kushtetutë të re siriane dhe vetëm atëherë do të vendosen kushtet për mbajtjen e zgjedhjeve.
Përveç kësaj, al-Sharaa shtoi se sirianët do të jenë në gjendje të shohin “ndryshime drastike” pas një viti të qeverisë së re.
Ai gjithashtu iu drejtua marrëdhënieve ndërkombëtare, duke thënë se do të ruante lidhjet me Rusinë, duke u fokusuar në “interesat strategjike dhe të përbashkëta”.
Në kuadër të marrëdhënieve me SHBA-në, al-Sharaa tha se shpreson në heqjen e sanksioneve dhe ardhja e diplomatëve amerikanë në Damask ishte një shenjë pozitive.
Le të kujtojmë se zgjedhjet u mbajtën në Siri gjatë sundimit të Asadit, megjithëse mënyra se si u zhvilluan ishte, për të mos thënë më pak, e diskutueshme, duke marrë parasysh mbështetjen e diktatorit tashmë të rrëzuar dhe partisë së tij Baath.
