Në përditësimin e fundit, Qendra Kombëtare për Menaxhim Kufitar ka njoftuar për situatën në pikat e kalimit kufitar.
Pritjet më të mëdha sipas tabelës së publikuar nga kjo qendër janë në pikën kufitare Dheu i Bardhë. Aty pritjet janë nga 30 minuta si në hyrje ashtu edhe në dalje, derisa kolona është e gjatë deri në 100 metra në hyrje e 130 metra në dalje tek automjetet.
Por, kjo jo edhe nga ana e kamionëve ku pritjet janë dukshëm më të vogla. Sipas pasqyrës së publikuar nga Qendra Kombëtare për Menaxhim Kufitar në po këtë pikë kufitare tek Dheu i Bardhë pritjet e kamionëve për hyrje dalje janë jo më shumë se 3-5 minuta, pa kolona.
Në të gjitha pikat tjera kufitare, pritjet sipas kësaj qendre nuk janë më shumë se 3 deri në 5 minuta.
Ditë më parë, pritjet në kufi ishin më të mëdha sidomos tek Dheu i Bardhë, kur kishte fluks më të madh të mërgimtarëve që vinin në Kosovë, derisa tash ka rënë ndjeshëm koha e pritjes në këtë pikëkalim.
