Liverpooli ka vazhduar me performancën e shkëlqyer në Premier League.
‘The Reds’ deklasuan në udhëtim West Hamin, 0-5, ndeshje kjo e luajtur të dielën në kuadër të javës së 18-të në elitën e futbollit anglez.
Skuadra e Liverpoolit në çdo aspekt ka qenë ekip më i mirë se West Hami, duke fituar ndeshjen dhe duke marrë tri pikë të mëdha në garën për titull të kampionit.
Liverpool qysh në pjesën e parë e siguroi fitoren duke shënuar tre gola përmes Diaz (30’), Gakpo (40’) dhe Salah (44’).
Skuadra nga ‘Anfield’ edhe në fraksionin e dytë të kësaj sfidë, ishte ekip më i mirë duke realizuar edhe dy gola më anë të Arnold (54’) dhe Jota (84’).
Pas kësaj fitore, Liverpool shkëputet në krye të tabelës me 45 pikë të tubuara, tetë më shumë së Nottingham që është e dyta, kurse, West Ham renditet e 13-ta me 23 sosh.
