Fotoja tregon Abu Safiyeh duke ecur vetëm me rroba mjekësore dhe një pallto të bardhë drejt dy tankeve izraelite.
“Dhjetëra personel mjekësor nga spitali Kamal Adwan u dërguan nga forcat pushtuese në një qendër paraburgimi për t’u marrë në pyetje, përfshirë drejtorin Hossam Abu Safiyeh”, tha ministria e shëndetësisë e Gazës.Agjencia e Mbrojtjes Civile të Gazës konfirmoi gjithashtu se Abu Safiyeh u arrestua, duke shtuar se drejtori i agjencisë për veriun, Ahmed Hassan al-Kahlout, ishte gjithashtu në mesin e të arrestuarve.
“Okupimi ka shkatërruar plotësisht sistemet mjekësore, humanitare dhe të mbrojtjes civile në veri, duke i bërë ato të padobishme,” tha për AFP Mahmud Bassal, një zëdhënës i Agjencisë së Mbrojtjes Civile.
Në kohën e bastisjes, kishte 350 njerëz në spital, duke përfshirë 180 staf mjekësor dhe 75 të plagosur, sipas Zyrës së Mediave të Qeverisë me bazë në Gaza.
Gjatë tre muajve të fundit, Abu Safiya, një pediatër, ka postuar dhjetëra video dhe i ka dërguar thirrje komunitetit ndërkombëtar që të veprojë kundër sulmeve izraelite në spitalin Kamal Adwan.
Ai ka paralajmëruar vazhdimisht se jetët e pacientëve dhe stafit mjekësor janë në rrezik për shkak të bombardimeve të vazhdueshme izraelite dhe një rrethimi që pengon hyrjen e ndihmave dhe ushqimeve.
“Në vend që të marrim ndihmë, ne marrim tanke… duke granatuar ndërtesën [spitalit],” tha Abu Safiya në një video dy muaj më parë.
Në fund të tetorit, djali i Abu Safijes vdiq si rezultat i një sulmi të mëparshëm izraelit në spital, sipas zyrtarëve shëndetësorë.
Një muaj më vonë, Abu Safiya u plagos në një sulm ajror izraelit në kompleksin spitalor.
Ndërkohë, fati i personelit tjetër mjekësor dhe civilëve të rrëmbyer nga forcat izraelite nga spitali të shtunën mbetet i panjohur.
