Prizreni, qyteti historik i Kosovës, është shndërruar në një destinacion të veçantë për turistët nga vende të ndryshme.
Ekipi i RTK-së, përpos turistëve të rregullt nga Shqipëria, takoi edhe vizitorë që kishin ardhur edhe nga vendet e largëta aziatike siç janë Filipinet.
Oliveri me familje nga Filipinet kanë zgjedhur që ditët e fundit të vitit 2024 ta vizitojë qytetin piktoresk të Prizrenit.
Vizitorë të shumtë këto ditë kishte edhe nga Shqipëria. Ndonëse nuk ka statistika të sakta për vizitorët, Prizreni ngelet destinacion i preferuar i turistëve nga rajoni dhe bota.
