PRESIDENTI amerikan Joe Biden shpalli 9 janar 2025 si ditë zie për ish-presidentin e ndjerë Jimmy Carter. Flamujt do të qëndrojnë në gjysmështizë për 30 ditë pas vdekjes së 100-vjeçarit laureat të Çmimit Nobel për Paqe.
Presidenti Biden shprehu ngushëllimet e tij për vdekjen e Presidentit të 39-të të Shteteve të Bashkuara dhe fituesit të Çmimit Nobel për Paqe, Jimmy Carter dhe shpalli 9 janarin ditë zie për nder të tij. Lajmi është bërë i ditur nga zyra e shtypit e Shtëpisë së Bardhë.
Ai gjithashtu i bëri thirrje popullit amerikan që të mblidhej atë ditë për të nderuar Presidentin James Earl Carter Jr. “I ftoj njerëzit në mbarë botën që ndajnë pikëllimin tonë të bashkohen me ne në këtë përkujtim solemn”, tha Biden.
Biden urdhëroi gjithashtu që flamujt të valonin në gjysmë shtizë për nder të presidentit të 39-të të Shteteve të Bashkuara të Amerikës për një periudhë prej 30 ditësh pas vdekjes së tij.
Kujtojmë se presidenti i 39-të i SHBA-së, Jimmy Carter, ka ndërruar jetë në moshën 100-vjeçare pasi refuzoi mjekimin e mëtejshëm. Fituesi i Çmimit Nobel për Paqe po luftonte me melanomën dhe i kaloi ditët e tij të fundit në bujtinë në shtëpinë e tij.
