Gjatë festës së Vitit të Ri në Arilje të Serbisë, ka pasur të shtëna me armë zjarri ku mbetën të vrarë një çift i martuar.
Mediat serbe raportojnë se i vrari është pronar i një biznesi në Arilje.
Sipas informacioneve jozyrtare, sulmuesi dhe çifti i vrarë njiheshin me njëri-tjetrin.
Sulmuesi i arrestuar dyshohet se ka punuar në shoqërinë e të qëlluarit dhe ende nuk dihet motivi i vrasjes.
Burri ka ndërruar jetë në kafene, ndërsa gruaja i është nënshtruar plagëve të marra në spital.
Në momentin e të shtënave në kafene ndodheshin disa persona të cilët u larguan me vrap pas përdorimit të armëve të zjarrit.
Policia ndodhet në vendin e ngjarjes tragjike dhe hetimet vijojnë.
