Gjykata Supreme e Kosovës e hodhi poshtë si të palejuar ankesën e Lëvizjes Vetëvendosje.
Kjo parti politike ishte ankuar kundër vendimit të Panelit Zgjedhor për Ankesa dhe Parashtresa lidhur me Listën Serbe.
Me vendimin e panelit të 25 dhjetorit, ishte aprovuar si e bazuar ankesa e Listës Serbe. Me këtë, ishte anuluar njoftimi i Komisionit Qendror të Zgjedhjeve i datës 23 dhjetor.
Me këtë vendim të Gjykatës Supreme, urdhërohet Komisioni Qendror i Zgjedhjeve që ta bëjë certifikimin e Listës Serbe dhe të kandidatëve të saj.
