Një 34-vjeçar ka humbur jetën ditën e ndërrimit të viteve në Serres , pas një sherri që ka ndodhur në një pjesë qendrore të qytetit.
Sipas informacioneve nga policia, pak pas orës 5 të mëngjesit të së mërkurës, në pedonalen kryesore të qytetit ka ndodhur një përleshje mes personave, numër i panjohur deri tani.
Informacioni flet për të paktën katër persona.
Objekt i mprehtë
34-vjeçari ka pësuar një plagë nga një objekt i mprehtë. Ai është konstatuar i vdekur në Spitalin e Përgjithshëm të Serrës, ku është transportuar me autoambulancë.Hetimet paraprake për ngjarjen po kryhen nga Drejtoria e Prokurorisë dhe Hetimit të Krimeve në Serres.
