Shkruan: Prof. Dr. Muhamet KELMENDI
Dialogu Kosovë-Serbi për shkak të BE-së dhe të SHBA-ve, ka dështuar në këtë legjislaturë të qeverisjes. Nuk u arritë asnjë sukses. Pozita e Serbise u forcua. Serbia bëri krime dhe akte terroriste në Kosovë dhe nuk u dënua. U nënshkrua Marrëveshja e Brukselit dhe Aneksmarrëveshja e Ohrit e vitit 2023, dhe nuk u zbatua. Agresioni serbomadhe mori dimenzione edhe më të rrezikshme. Me ideologjinë e bashkimit të botës serbe po rrezikohet Bosnja e Hercegovina, Kosova, Mali i Zi dhe Maqedonia e Veriut. Ky agresion shoveno-raciste serb u tolerua. Serbia u përkdhel nga BE dhe nga SHBA-të. Ajo e shfrytëzoj këtë dhe doli hapur kundër shteteve të Ballkanit për të ndërtuar botën serbe. Bëri dhe po bënë agresion terrorist ndaj Kosoovës dhe tolerohet, nuk po ndëshkohet. Serbia për asnjë veprim kriminal nuk po denohet. Në këtë gjendje dhe me këtë politikë nuk ka rëndësi se si zhvillohet dialogu, kundruall mjeteve në dialogim. BE dhe SHBA kërkohet ta rrisin presionim ndaj Serbisë dhe ta ndryshojnë politikën e deritashme, sidomos lidhur me asociacionin. Minoriteti serb i Kosovës është i organizuar nëpër bashkësi komunale që i kanë të gjitha të drejtat. Në cdo nivel përfaqësohen. Janë vetëm 30 mijë serbe dhe kërkohet me asociacion të shkatërrohet Republika e Kosovës. Asociacioni me kompetencat e komunave është shtet, kur ato bashkohen në një qendër, siç është Kuvendi i Asociacionit, është shtet. Këtë duhet ta heqin BE dhe SHBA nga dialogimi. Nëse kjo hiqet dhe bëhet presion adekuat mbi Serbinë, duke përcaktuar njohjen reciproke, ka mundësi dhe perspektivë e ardhmja e këtij rajoni. Nuk ka rëndësi forma dhe mënyra e dialogimit. Ka rëndësi qëllimi dhe mjetet që përdoren në dialogim dhe në zgjidhje të çështjes. As në vitin 1998/99 nuk ka pranuar Serbia qëndrimet përfundimtare në Rambuje. Ishte arma e NATO-se që solli largimin e forcave serbomëdha nga Kosova. Edhe tash arritet qëllimi kur ka përcaktim të qartë politik dhe kur prapa i qëndron forca e dhunës. Këtë gjuhë e njeh Serbia. Kurrë dhe në asnjë kohë nuk ka qenë gjuha e paqes që ka zgjidhur problemet me Serbinë. Vetëm arma ushtarake dhe forca e detyrojnë Serbinë në zgjidhjen e raporteve Kosovë-Serbi. Tjetër rrugë nuk ka.
