Houthi-t lëshuan një raketë të re në drejtim të Izraelit dhe detyruan miliona të ikin në strehimore

Sirenat u dëgjuan në të gjithë territorin izraelit të premten herët si rezultat i një sulmi tjetër rakete nga Huthi të Jemenit.

Rreth orës 4:35 të mëngjesit (koha lokale), raketa ra mbi Izrael, duke ndezur sirenat në Tel Aviv, Jerusalemin e pushtuar, Ramat Gan, Rishon, LeZion, Petach Tikva dhe Beit Shemesh.

Ushtria izraelite njoftoi fillimisht se një raketë e lëshuar nga Jemeni kishte hyrë në territorin izraelit dhe se ata ishin përpjekur të kapnin raketën.

Më vonë, IDF tha se kishte rrëzuar një raketë që ishte lëshuar nga Jemeni dhe po hetonte raportet se mbetjet kishin rënë pranë qytetit Modiin. Miliona izraelitë duhej të fshiheshin në strehimore.

Shërbimi i urgjencës bëri të ditur se nuk kanë informacion për të plagosurit në sulm, por se kanë trajtuar rreth 20 persona për sulme ankthi dhe lëndime gjatë arratisjes.Houthi-t kanë gjuajtur disa raketa me rreze të gjatë veprimi dhe drone mbi objektivat izraelite ditët e fundit.

Nga ana tjetër, Izraeli ndërmori sulme të shumta në infrastrukturën jemenase, duke i fokusuar sulmet ajrore në aeroportin e Sanaa, portin Hodeidah dhe termocentralet.