Një tërmet me magnitudë 4.5 ballë të shkallës Rihter është regjistruar sot në orën 16:51 në Detin Mesdhe, në Gjirin e Antalisë, raportojnë mediat turke.
Sipas informacioneve në faqen e Shërbimit të Menaxhimit të Fatkeqësive dhe Emergjencave të Turqisë, u konstatua se tërmeti ka ndodhur në një thellësi prej shtatë kilometrash, raporton Anadolu Agency (AA).
Guvernatori i qarkut të Alanyas Fatih Urkmezer tha për korrespondentin e AA se tërmeti është ndjerë në pjesën qendrore të kësaj zone dhe konfirmoi se ekipet e ekspertëve janë në terren duke hetuar tërmetin.
