Dy persona u vranë dhe tetëmbëdhjetë u plagosën kur një aeroplan i vogël u rrëzua sot në një fabrikë mobiljesh në Kaliforni, raporton Sky News . Pamjet e kamerave të vëzhgimit tregojnë avionin duke u anuar në njërën anë ndërsa i afrohej ndërtesës, përpara se të shpërthejë në një shtëllungë tymi të zi.
Më pas avioni u rrëzua në çatinë e ndërtesës ku ndodheshin në atë kohë 200 punëtorë. Përplasja ndodhi vetëm dy minuta pasi avioni u ngrit nga aeroporti komunal Fullerton në Orange County.
Zëdhënësi i policisë ka deklaruar se ende nuk dihet nëse dy personat e vdekur ndodheshin në avion apo në fabrikë. Tetë të plagosurve iu është dhënë ndihma e parë në vend dhe dhjetë prej tyre u detyruan të shkonin në spital.
Modeli i avionit është konfirmuar të jetë një RV-10 me katër vende. Është modeli i dytë i tillë që pësoi një aksident pasi u ngrit nga i njëjti aeroport në dy muaj.
