Siç raportojnë mediat gjermane, në Hamburg-Neuenfelde të enjten vonë rreth orës 20:00, dy familje të mëdha u përleshën në akomodimin e refugjatëve. Njëra prej familjeve vjen nga Bosnja dhe Hercegovina, ndërsa tjetra nga Kosova.
Konflikti ka ardhur për shkak të shtatzënisë së një vajze 15-vjeçare, e cila ishte në lidhje me një 18-vjeçar, edhe pse nuk u saktësua se nga cila familje ishte e reja shtatzënë. Kjo i shqetësoi aq shumë disa anëtarë të familjes, saqë ata sulmuan kundërshtarët e tyre. Fillimisht me grushte, e më pas me thika, shkruan FenixMagazin .
Në fund, pesë burra u plagosën aq rëndë sa që disa prej tyre u detyruan të dërgoheshin në spital – me prerje të ndryshme, plagë shpuese dhe kafshime. Sherri që u përshkallëzua, policia iu përgjigj me një operacion të madh policor.
Nga i gjithë Hamburgu mbërritën 21 automjete patrullimi, pesë ambulanca dhe tre qen. Është thirrur edhe njësia speciale USE (patrullë mbështetëse për situata të vështira operacionale). Më pas, oficerët kontrolluan dhomën për dhomën e vendosjes së kontejnerëve. Për të siguruar paqen, disa punonjës policie kanë qëndruar në vendngjarje deri në orën 01:30.
Policia po heton se çfarë saktësisht fshihet pas përplasjes së përgjakshme dhe kush e ka plagosur kë dhe sa rëndë, shkruajnë mediat gjermane.
