Kombëtarja e Kosovës në hendboll është mposhtur nga Italia me rezultat 28:25 në ndeshjen përmbyllëse të turneut ndërkombëtar “Yellow Cup”, që është mbajtur nga e premtja deri të dielën në Winterthur të Zvicrës.
Kosova ka bërë një paraqitje të mirë në këtë ndeshje, duke e përfunduar pjesën e parë me epërsi 15:13. Megjithatë, dështimet në disa aksione rresht gjatë pjesës së dytë kanë bërë që fitorja t’i takojë Italisë.
Me këtë humbje, Kosova e përfundon turneun me tri disfata, duke mos arritur të regjistrojë fitore.
Pavarësisht rezultatit, paraqitja në edicionin e 51-të të “Yellow Cup” i shërben Kombëtares së Kosovës si përgatitje për vazhdimin e kualifikimeve për Kampionatin Evropian “Euro 2026”. /Kosovatimes/
