Manchester United ka nxjerrë një rezultat pozitiv në transfertë kundër kryesuesit të Premier League, Liverpool.
Dy skuadrat kanë barazuar në “Anfield” në ndeshjen e Javës së njëzetë në Premier League. Ndeshja është mbyllur me rezultat 2-2.
Siç pritej, Liverpool ka krijuar më shumë raste, por United ka pasur kontroll të konsiderueshëm të topit gjatë gjysmë ores së parë dhe ka krijuar disa mundësi. Një prej tyre ka qenë kur Diogo Dalot e ka gjetur të lirë Amad Diallo në zonë, por sulmuesi nuk ka nuk arritur ta drejtojë goditjen në portë.
Skuadra e Arne Slot është dukur e rrezikshme gjatë pjesës së parë, por i i ka munguar finalizimi. Luis Díaz ka gjuajtur lart dhe jashtë nga brenda zonës, ndërsa Alexis Mac Allister ka parë një goditje të tij të pritet nga Andre Onana.
Ruben Amorim mund të jetë zhgënjyer që skuadra e tij nuk ka kaluar në avantazh para pushimit, pasi Rasmus Hojlund është gjendur përballë Alisson, por tentativa e tij është ndalur nga portieri brazilian.
United ka vazhduar paraqitjen pozitive pas pushimit, duke kërcënuar veçanërisht nga krahu i djathtë i Liverpool. Mysafirët kanë kaluar në epërsi në minutën e pesëdhjetë e dytë, kur Trent Alexander-Arnold ka humbur një top, i cili është kapur nga Lisandro Martinez. Argjentinasi ka bashkëpunuar me Bruno Fernandes dhe ka arritur ta shënojë golin e parë të United në “Anfield” pas gjashtë vitesh.
Epërsia e United nuk ka zgjatur shumë, pasi Cody Gakpo është shërbyer nga Mac Allister dhe holandezi e ka shmangur Matthijs de Ligt për të goditur në kënd.
Puna e madhe e United është prishur kur De Ligt është ndëshkuar për prekje të topit me dorë në zonë, duke i dhënë mundësinë Mohamed Salah të shënojë nga penalltia, pavarësisht përpjekjes së Onana për ta ndalur.
Amorim e ka aktivizuar Alejandro Garnacho pas disavantazhit, dhe argjentinasi ka ndikuar menjëherë duke kaluar në krahun e majtë dhe duke futur një top në zonë, ku Diallo ka shënuar për barazimin.
Të dyja skuadrat kanë kërkuar golin e fitores, me raste në të dyja anët. Të dy portierët janë vënë në provë, por asnjëri ekip nuk ia ka arritur ta gjente golin e tretë, duke e mbyllur ndeshjen me barazim.
Pas këtij barazimi, Liverpool mbetet lider në Premier League me dyzet e gjashtë pikë, gjashtë më shumë se sa Arsenal në vendin e dytë. Manchester United gjendet në vendin e trembëdhjetë me njëzet e tri pikë.
