Timothy Less, një hulumtues kryesor në Qendra për Gjeopolitik në Universitetin Kembrixh , tha se ai pret që administrata Trump të adoptojë një qëndrim më pozitiv ndaj Serbisë, thekson ne nje publikim te saj, gazeta Telegraf nga Beogradi.
“ Pres që administrata Trump të braktisë Marrëveshjen e Ohrit, e cila nuk është krijim i saj dhe gjithsesi një shkronjë e vdekur. Në vend të kësaj, ShBA do të fokusohen në çështjen qendrore se çfarë i nevojitet qeverisë serb nga Kosova. Kjo do të rikthejë në tavolinë idenë e ndarjes së bashku me çështjen e statusit të serbëve në jug të Kosovës dhe shqiptarëve në Luginën e Preshevës. Çështjet rreth dokumenteve, simboleve kombëtare, pasurive të Kishës Ortodokse serbe, e kështu me radhë do të trajtoheshin si dytësore ndaj këtyre çështjeve më themelore, nëse qeveria në Kosovë refuzon të bashkëpunojë, unë parashikojë që administrata Trump do ta ndëshkojë atë me sanksione, tarfia tregtare, tërheqje të ndihmës dhe investimeve dhe duke rënë dakord për lëvizjet që do ti mundësonin Serbisë të ushtrojë të drejtën e saj në veri.
Ish ambasadori amerikan në Beograd Wiliam Montgomery thekson në librin e tij të kujtimeve se bashkësia ndërkombëtare tani ka filluar të kuptojë se sa e rëndësishme është Kosova për popullin serb, por se ka investuar aq shumë në shpalljen e pavarësisë sa që një kthesë e plotë është e pamundur. “Zgjidhja imë për Kosovë ka qenë dhe mbetet ndarja. Kjo ndoshta nuk do të ndodhë për shumë arsye, të mira dhe këqija. Megjithatë kamë shumë frikë se Kosova dhe Serbia janë të lidhura në një valle fatale dhe se rezultati është se progresi i tyre , tranzicioni i tyre demokratik dhe stabiliteti i tyre janë shumë të pasigurt. Është e sigurt që kështu do të jetë edhe për dhjetë vitet e ardhshme-deklaron ish ambasadori amerikan
