Sekretari amerikan i Shtetit, Antony Blinken ka dhënë një intervistë të gjatë për The New York Times, në të cilën ndër të tjera ka prekur edhe çështjet e luftës në Ukrainë dhe mundësinë e ndalimit të saj.
“Ne nuk shohim asnjë shenjë se Rusia është gati të angazhohet,” tha Blinken, duke theksuar se “nëse ka një armëpushim, kjo do t’i japë Putinit kohë për të pushuar dhe për t’u riarmatosur në mënyrë që të mund të sulmojë përsëri”.
Deklaratat e Blinken vijnë mes raporteve që qarkulluan së fundmi në mediat botërore rreth negociatave të mundshme prapa skenave midis Shteteve të Bashkuara dhe Rusisë për të ardhmen e Ukrainës.
