Koreja e Veriut thuhet se hodhi atë që dukej të ishte një raketë balistike me rreze të mesme veprimi në det dhe incidenti përkoi me një vizitë të Sekretarit të Shtetit të SHBA Antony Blinken në Seul në mes të një periudhe trazirash politike në Korenë e Jugut. Ushtria e Koresë së Jugut tha se raketa u lëshua në drejtim të lindjes rreth mesditës me orën lokale, pak pasi Blinken u takua me presidentin në detyrë të Koresë së Jugut Choi Sang-mok.
Në takim, Blinken theksoi angazhimin “të palëkundur” të sigurisë së Uashingtonit ndaj Koresë së Jugut dhe bëri thirrje për një qëndrim të fortë të përbashkët të mbrojtjes për të përgatitur të dy vendet për provokime të mundshme nga Koreja e Veriut, thuhet në një deklaratë zyrtare.
Choi zëvendëson presidentin e fajësuar, Yoon Suk Yeol, i cili shpalli gjendjen e jashtëzakonshme më 3 dhjetor, gjë që befasoi vendin dhe rezultoi në pezullimin e tij nga detyra më 14 dhjetor.
Nisja e parë pas tre muajsh
Ky është lëshimi i parë i raketës nga Pheniani që nga 5 nëntori, kur të paktën shtatë raketa balistike me rreze të shkurtër u lëshuan nga zona e bregdetit lindor.
Nuk dihet ende se për çfarë lloj rakete bëhet fjalë, por testet e vitit të kaluar IRBM të Koresë së Veriut shënuan një dizajn të ri me lëndë djegëse të ngurtë, dhe siç u njoftua nga Pheniani, raketat ishin hipersonike dhe mbanin një kokë lufte të krijuar për të manovruar dhe shmangur mbrojtjen raketore.
Koreja e Veriut ka njoftuar më parë se është duke punuar në zhvillimin e raketave të saj me karburant të ngurtë me gjithë rrezen e veprimit.
Raketat me karburant të ngurtë nuk kanë nevojë të ushqehen me karburant menjëherë para lëshimit, shpesh janë më të lehta dhe më të sigurta për t’u trajtuar dhe kërkojnë më pak mbështetje logjistike, duke i bërë ato më të vështira për t’u zbuluar sesa armët me lëndë djegëse të lëngshme.
