Kryetari i Aleancës për Ardhmërinë e Kosovës, Ramush Haradinaj, gjatë vizitës në Gjakovë, bashkë me të parin e kësaj komune, kanë vizituar stadiumin e qytetit.
Haradinaj ka thënë se stadiumi i këtij qyteti po merr pamjen e një infrastrukture moderne sportive.
“Stadiumi i qytetit të Gjakovës po merr pamjen e një infrastrukture moderne sportive, duke dëshmuar se vizioni dhe përkushtimi i qeverisjes lokale mund të transformojë ëndrrat në realitet. Investimet në sport nuk janë thjesht shpenzime, por investime në rininë dhe të ardhmen e vendit”, ka thënë Haradinaj.
Ai ka lavdëruar punën e kryetarit të Gjakovës, Ardian Gjini, duke thënë se nën udhëheqjen e tij Gjakova ka përjetuar zhvillim.
Haradinaj ka thënë se stadiumi i Gjakovës do të jetë një shtëpi e re për sportin gjakovar dhe një aset për gjithë Kosovën. /Kosovatimes/
