Një roje BURGUT në Mbretërinë e Bashkuar është dënuar me 15 muaj burg pasi kishte pasur marrëdhënie intime me një të burgosur në qelinë e saj, raporton sot agjencia gjermane dpa.
Tridhjetë vjeçarja Linda De Sousa Abreu, nga Fulham, në jugperëndim të Londrës, u akuzua pasi një video e aktit të saj u shpërnda në mediat sociale.
Ajo mori 15 muaj burg
Një hetim policor filloi pasi oficerët u njoftuan për videon e marrë në burgun Wandsworth në jug të Londrës.
Nëna e një fëmije De Sousa Abreu u arrestua dhe u deklarua fajtore për shkeljen e detyrës zyrtare në Gjykatën e Kurorës Isleworth në korrik të vitit të kaluar.
Ajo doli këtë të hënë para së njëjtës gjykatë me kostum gri dhe këmishë të bardhë, ku u dënua me 15 muaj burg. “Ju jeni angazhuar në aktivitet seksual me një të burgosur. Kjo komprometoi rolin tuaj si oficer dhe përfaqëson një shkelje të detyrës zyrtare që minon disiplinën në burg dhe rrit rrezikun për kolegët tuaj,” i tha gjykatësi Martin Edmunds.
“Ju e dinit se një sjellje e tillë ishte e ndaluar dhe për arsye të mirë,” shtoi ai.
