I dërguari i posaçëm i BE-së për dialogun ndërmjet Beogradit dhe Prishtinës, Miroslav Lajçak, ka njoftuar mbrëmjen e sotme se ka folur në Nju Jork me nënsekretaren e OKB-së për Çështjet Politike dhe Ndërtimin e Paqes, Rosemary DiCarlo, për dialogun, Ballkanin Perëndimor dhe zhvillimet rajonale.
“Jam shumë i lumtur që u takova me nënsekretaren e OKB-së Rosemary DiCarlo gjatë vizitës sime në Nju Jork. Biseduam për Ballkanin Perëndimor, zhvillimet rajonale dhe dialogun”, tha Lajçak në rrjetin social X.
Lajcak ishte më parë në Uashington, ku foli me Zëvendës Sekretarin e Shtetit për Menaxhimin dhe Burimet Richard Verma, Ndihmës Sekretarin e Shtetit të SHBA për Çështjet Evropiane dhe Euroaziatike James O’Brien dhe Zëvendës Ndihmës Sekretarin e Shtetit të SHBA për Ballkanin Perëndimor Alexander Kasanoff .
