Ambasadori gjerman, Jorn Rohde, nëpërmjet një video urimi për fillimvit, ka bërë thirrje për votim teksa ka potencuar rëndësinë e implementimit të dialogut.
“Ju keni zgjedhje, ne kemi zgjedhje. Prandaj, apeli im për ju është: Shkoni të votoni! Sepse është e rëndësishme që ju të kontribuoni të formësoni të ardhmen tuaj. Ajo çfarë na duhet është më shumë ambicie, takime më të shpeshta dhe më e rëndësishmja më shumë rezultate konkrete për të sjellë implementime konkrete të dialogut”, ka thënë ambasadori Rohde.
Më tutje ai ka potencuar se sivjet ka vitin e fundit si ambasador në Kosovë.
“Pas katër vitesh në Kosovë, ky është viti im i fundit këtu. Kam pasur katër vite plot ngjarje. Dhe dua të shoh një 2025 shumë të mirë. Gjermania dhe Kosova ndajnë lidhje të veçanta. Dhe, e dini, nuk është vetëm diaspora, janë gjithashtu plot projekte që ne kemi bashkë si në tranzicion energjik, infrastrukturë”, ka thënë ai.
Një ndër urimet e Rohdes për kosovarët për këtë vit të ri ishte edhe për ajër të pastër.
Happy 2025 to all of you!
Take a minute and watch my personal New Year‘s message!
pic.twitter.com/RCs4rddNoT
— Ambassador Jörn Rohde (@GermanAmbKOS) January 8, 2025
