Kryeministri i Kosovës Albin Kurti e ka uruar Keith Self për pozitën si kryetar i Nënkomitetit për Evropën në Komisionin për Punë të Jashtme të Dhomës së Përfaqësuesve në Shtetet e Bashkuara të Amerikës.
Kreu qeveritar në platformën “X” ka shkruar se mezi pret të forcojë partneritetin mes vendeve derisa për Self-in tha se mbështetja e tij për demokracinë e sigurinë rajonale vlerësohet shumë.
“Urime në emërimin tuaj si Kryetar i Nënkomitetit për Evropën të Komisionit për Punë të Jashtme të Dhomës së Përfaqësuesve. Mbështetja juaj për demokracinë dhe sigurinë rajonale vlerësohet shumë. Ne mezi presim të forcojmë partneritetin tonë”, ka shkruar kryeministri Kurti.
