Ish-presidenti francez Nicolas Sarkozy tha në gjyqin me dyshimin për financim të paligjshëm të fushatës presidenciale në vitin 2007, se autoritetet hetuese “nuk do të gjejnë kurrë një cent libian” në fushatën e tij.
Siç raporton Figaro, ish-presidenti francez ka dëshmuar për herë të parë sot, në gjyqin që filloi më 6 janar, për shkak të dyshimeve se Libia financoi ilegalisht fushatën e tij presidenciale në vitin 2007.
“Unë do t’u përgjigjem të gjitha pyetjeve, siç kam bërë gjithmonë. Ju kurrë nuk do të gjeni një euro libiane apo një cent libian në fushatën time,” tha Sarkozy.
