Një shtetas zviceran i arrestuar në Iran dhe i akuzuar për spiunazh ka vdekur në burg, sipas mediave shtetërore iraniane.
Burri ishte me një të burgosur tjetër në një qeli burgu në qytetin lindor të Semnanit kur ai “krye vetëvrasje” të enjten, njoftoi agjencia iraniane e lajmeve Tasnim. Agjencia e lajmeve Mizan tha se zyrtarët e burgut u përpoqën menjëherë t’i shpëtonin jetën shtetasit zviceran, por përpjekjet e tyre ishin të pasuksesshme. Mizan nuk ka dhënë detaje të tjera në lidhje me identitetin e burrit.
Zvicra luan një rol ndërmjetësues
“Sot në mëngjes, një shtetas zviceran ka kryer vetëvrasje në burgun e Semnanit”, tha në një deklaratë, Mohamad Sadegh Akbari, kryegjyqtar në Semnan. Deklarata shtoi se ai ishte “arrestuar nga forcat iraniane të sigurisë për spiunazh” dhe se çështja ishte “nën hetim”.
Në vitet e fundit, Garda Revolucionare elitare e Iranit ka arrestuar dhjetëra shtetas të huaj dhe njerëz me shtetësi të dyfishtë, kryesisht me akuza për spiunazh. Zvicra luan një rol të rëndësishëm ndërmjetës midis Uashingtonit dhe Teheranit pasi përfaqëson interesat amerikane në Iran dhe ndan mesazhe midis dy vendeve.
