Qeveria e Kosovës ka miratuar propozim-vendimin për ndarjen e mjeteve financiare për mbulimin e shpenzimeve për mbrojtjen juridike për familjarët e veprimtarit të vrarë, Enver Hadri.
Mbështetja që parashihet arrin koston prej 100 mijë eurove.
“Siç e përmendi kryeministri, ky rast ka rëndësi historike për vendin, andaj kemi vendosur që ta mbështesim familjen në këtë proces të rëndësishëm”, ka thënë ministrja e Drejtësisë, Albulena Haxhiu gjatë mbledhjes së Qeverisë.
Gjykata Penale e Brukselit dje ka nisur procedurat për rishqyrtimin e rastit të Veselin Vukotiqit dhe Andria Drashkoviqit, të cilët akuzohen si dy nga katër autorët e vrasjes së aktivistit nga Kosova, Enver Hadri.
