Melihate Tërmkolli, aktiviste e njohur e çështjes kombëtare, ka reaguar ashpër në prag të nisjes zyrtare të fushatës zgjedhore në Kosovë. Përmes një postimi, Tërmkolli ka shprehur bindjen se kjo do të jetë fushata e fundit për drejtuesit e tri partive më të mëdha, të cilët ajo i cilëson si “puro sorosianë dhe talebanë”.
“Sorosianë, no pasaran! Në botën e re nuk ka vend për sorosianë e talebanë, antikombëtarë dhe antishtetërorë!” ka shkruar ajo.
Në qëndrimin e saj, Tërmkolli ka kritikuar drejtuesit aktualë të tri partive kryesore në vend. Ajo tha se Lulzim Abdixhiku “shkon, por LDK mbetet”, ndërsa paralajmëroi se Albin Kurti dhe Lëvizja Vetëvendosje “do të shpartallohen”. Për Memli Krasniqin, ajo ironizoi duke shtuar: “Mo’zo ma keq!”
Sipas Tërmkollit, fushata aktuale dhe ndryshimet politike do të sjellin një epokë të re për shqiptarët. “Për shqiptarët po vijnë kohë të mira! Rrnoftë Dardania!” përfundoi ajo në mesazhin e saj. /Kosovatimes/
