Kryetari i Nismës, Fatmir Limaj, ka falënderuar qytetarët për mbështetjen në nisjen e fushatës elektorale për zgjedhjet parlamentare të 9 shkurtit, e cila u hap sot nga koalicioni me AAK-në, Listën Konservatore dhe Forumin Intelektual E-30.
Në një postim në Facebook, Limaj ka shprehur optimizmin për fitoren në zgjedhje, duke theksuar se qytetarët e Kosovës po zgjedhin një të ardhme më të mirë.
“Qytetarët e Kosovës kanë vendosur për Kosovën fituese. Veç vepra!” shkroi Limaj, duke përcjellë mesazhin e tij për angazhim dhe përkushtim në ndërtimin e një Kosove më të fortë. /Kosovatimes/
