Më 6 dhjetor 2024, Gjykata Kushtetuese e Rumanisë anuloi raundin e dytë të zgjedhjeve presidenciale të planifikuar për 8 dhjetor dhe rezultatet e raundit të parë të zgjedhjeve të mbajtur më 24 nëntor.
Në Bukuresht u mbajt një protestë kundër vendimit të dhjetorit të Gjykatës së Lartë për anulimin e zgjedhjeve presidenciale.
Mediat lokale raportuan të dielën se tubimi në kryeqytetin rumun u ndoq nga dhjetëra mijëra njerëz, kryesisht mbështetës të Calin Georgescu, fituesit të raundit të parë të zgjedhjeve të 24 nëntorit.
Tubimi u organizua nga partia populiste e krahut të djathtë Aleanca për Bashkimin e Rumunëve (AUR).
“AUR ofron një platformë vetëm për ata që duan të shprehin pakënaqësinë e tyre për anulimin e zgjedhjeve presidenciale dhe që kërkojnë vazhdimin e procesit zgjedhor, duke nisur nga raundi i dytë”, tha partia.
Më 6 dhjetor 2024, Gjykata Kushtetuese e Rumanisë anuloi raundin e dytë të zgjedhjeve presidenciale të planifikuar për 8 dhjetor dhe rezultatet e raundit të parë të zgjedhjeve të mbajtur më 24 nëntor.
Vendimi erdhi pasi Këshilli i Lartë i Mbrojtjes Kombëtare deklasifikoi dokumentet e shërbimeve sekrete që tregojnë ndërhyrje të një “aktori shtetëror” në procesin zgjedhor, raporton Anadolia.
Calin Georgescu , i njohur për pikëpamjet e tij euroskeptike dhe të ekstremit të djathtë, fitoi vendin e parë në raundin e parë të zgjedhjeve me rreth 23 për qind të votave.
