Nga ana tjetër, dega lokale e AfD-së në Karlsruhe pretendon se bëhet fjalë për një fushatë elektorale dhe se emigrantët nuk janë në shënjestër të veçantë.
Kartat e rreme kanë shkaktuar alarm tek liderët kryesorë politikë të Gjermanisë.
“Askush nuk do të vijë në Gjermani nëse ka ndjenjën se këtu mbretëron racizmi dhe ky është racizëm i pastër,” tha Robert Habeck, kandidat për kancelar nga Partia e Gjelbër.
Agjencia federale e inteligjencës gjermane e klasifikoi AfD-në si një organizatë të dyshuar ekstremiste. Pavarësisht kësaj, partia aktualisht është në vendin e dytë sipas sondazheve parazgjedhore, pasi ka pasur një rritje të ndjeshme të mbështetjes muajt e fundit.
Vetëm një vit më parë, partia ishte subjekt i protestave masive në të gjithë Gjermaninë pasi një raport investigativ nga Correctiva zbuloi se politikanët e AfD ishin të pranishëm në një takim të ekstremistëve të krahut të djathtë që diskutonin një plan ’emigrimi’ për të dëbuar emigrantët dhe “qytetarët e paasimiluar”.
