Zyrtarët policorë sot kanë privuar nga liria dy shkupjan të shpallur në kërkim me fletarrest, njoftoi pasditen e sotme MPB.
“Në ora 05:10 në rrugën “Alija Avdoviq”, zyrtarë policorë nga ekipi për kërkim operativ dhe nga Njësiti policor intervenues i SPB Shkup, kanë ndaluar 48-vjeçarin N.S, i cili me urdhër të Gjykatës Penale – Shkup ishte në kërkim, për shkak të dënimit me burg në kohëzgjatje prej tre vjetësh e dy muaj për vepër penale të kryer në lidhje prodhim, posedim dhe tregtim i paautorizuar i armëve dhe lëndëve plasëse.
Personi do t’i dorëzohet institucionit penal kompetent”.
“Në ora 07:35 në rrugën “134”, zyrtarë policorë nga Ekipi Operativ Kërkimor në SPB Shkup kanë privuar nga liria 46-vjeçarin B.G, i cili me urdhër qendror kërkohej me urdhër të PTHP – Shkup, në lidhje me nenin 215 të Kodit Penal – prodhim dhe shpërndarje e paautorizuar e narkotikëve, substancave psikotrope dhe prekursorëve. Personi do të dorëzohet në Prokurorinë Publike – Shkup”, thonë nga MPB.
