Liverpool ka arritur një barazim 1-1 ndaj Nottingham Forest, por megjithatë e ka ruajtur vendin e parë në Premier League.
Ndeshja ka nisur me një presion të fortë nga Liverpool, por ishte Forest që ka gjetur golin e avantazhit në minutën e tetë. Anthony Elanga e ka bërë një pasim të saktë për Chris Wood, i cili ka shënuar me një goditje të saktë duke mposhtur portierin Alisson Becker.
Pas kësaj, Murillo ishte shumë afër të shënonte një supergol, ndërsa Callum Hudson-Odoi ka tentuar me një goditje të devijuar që është ndalur nga Alisson.
Liverpool e ka marrë kontrollin e lojës, por ka hasur në vështirësi për ta kaluar mbrojtjen e fortë të Forest. Luis Diaz ka tentuar një goditje nga distanca, por pa sukses, dhe Neco Williams ka bërë një ndalim për ta bllokuar goditjen me kokë të Dominik Szoboszlai. Murillo gjithashtu ka ndërhyrë në një aksion të rrezikshëm për të parandaluar një pasim të Díaz që mund të kishte arritur te Cody Gakpo.
Në pjesën e dytë, mbrojtja e Forest ka mbetur e fortë, duke i mohuar hapësira Liverpool. Mohamed Salah nuk ka mundur të gjuajë deri në minutën e pesëdhjetë e nëntë, kur goditja e tij ka shkuar jashtë kuadratit.
Nga ana tjetër, një goditje e rrezikshme nga Elanga është pritur nga Alisson.
Në minutën e gjashtëdhjetë e gjashtë, Kostas Tsimikas ka harkuar saktë nga një këndore, që është shfrytëzua nga Diogo Jota për ta barazuar rezultatin.
Pas këtij momenti, portieri i Forest, Matz Sels, ka bërë disa pritje, duke ndaluar dy goditje të tjera nga Jota, një nga Szoboszlai dhe disa goditje të Salaht, përfshirë një që është bllokuar në vijën e portës nga Ola Aina.
Pas kësaj ndeshjeje, Nottingham Forest mbetet në vendin e dytë në tabelë, me gjashtë pikë më pak se Liverpool.
