Ambasada e Shteteve të Bashkuara të Amerikës në Kosovë ka përkujtuar 26-vjetorin e masakrës së Reçakut, duke thënë se qëndron me popullin e Kosovës “në një pikë kthese tragjike për njerëzimin që nxiti botën të veprojë”.
SHBA-ja nderon viktimat dhe ripërtërin angazhimin e përbashkët për të vërtetën, drejtësinë dhe pajtimin, thekson Ambasada.
“SHBA qëndron me popullin e Kosovës në kujtimin e viktimave të masakrës së Reçakut – një pikë kthese tragjike për njerëzimin që nxiti botën të veprojë. Ndërsa nderojmë viktimat, ne ripërtërijmë angazhimin tonë të përbashkët për të vërtetën, drejtësinë dhe pajtimin”, thuhet në mesazhin e publikuar në Facebook.
